اللي بيقولك نامي دلوقتي علشان مش هتعرفي تنامي بعد الولادة، عنده حق

مش بس كده ده في سبب تاني كمان إن السهر مش كويس ولا ليكي ولا للجنين

لأن أعلي نسبة لتدفق الدم في المشيمة بتحصل خلال نوم الأم، ولما بتسهر لوقت طويل نسبة الأكسجين والتغذية اللي بتوصل للجنين بتقل وبالتالي بيأثر علي نسبة الدم اللي بتوصل للجنين من خلال المشيمة و من الممكن تسبب في اضطراب ضربات قلبه

علشان كده حاولي تنامي كويس علي أد ما تقدري وخدي كفايتك في النوم

ودي شوية نصائح هتساعدك تنامي بشكل أفضل

اشربي مياه وسوائل كتير خلال اليوم، ولكن ابعدي عنها في الساعات القليلة قبل النوم، علشان متصحيش كتير لدخول الحمام.

اعملي تمارين خفيفة خلال اليوم، علشان متحسيش بتقلصات العضلات المؤلمة خلال النوم، ولكن ابعدي عنها قبل النوم مباشرة، لأن تدفق الأدرينالين بيسبب الأرق.

قللي من قلقك وحاولي التحكم فيه، خليكي علي طول هادية وبلاش توتر

ابعدي عن النوم على ظهرك وبطنك خاصة بعد الأسبوع العشرين من الحمل، لأن الأوضاع دي مش بتكون مريحة ولا ليكي ولا للجنين.

أفضل وضع النوم بيكون على الجانب الأيسر، لأنه في الوضع ده الجنين بيوصله أفضل تغذية خلال نومك.

نومك دلوقتي راحة ليكي وأمان للجنين

"انتي بتأكلي لاتنين مش واحد دلوقتي يا حبيبتي " اكيد اي ست حامل سمعت الجمله ديه من مامتها أو حماتها او حتي قرايبها.

و علشان كده لازم الغذاء بتاعك يكون سليم عشان ميضرش طفلك كمان و يوصله اكبر غذاء سليم

ممكن يوصله و هو جوا بطنك

و عشان تقوي مناعتك و مناعه طفلك و هو ف بطنك هنديكي شويه نصائح مهمة عشان تبقي قوية و تقويه معاكي.

الأطعمة اللي هتساعدك تقوي مناعتك

الحمضيات:

تمد الحمضيات الجسم بفيتامين ج المعروف بفاعليته في تقوية المناعة و زيادة إنتاج خلايا الدم البيضاء المكافحة للالتهابات،

ولأن جسمك لا ينتجه أو يخزنه فأنتِ بحاجة إلى تناوله يوميًّا، وكل الحمضيات تحتوي على نسبة جيدة منه، مثل: الجريب فروت والبرتقال واليوسفي والليمون.

الثوم:

الثوم يضيف نكهة مميزة وشهية لأي طعام، لكنه أيضًا ضروري لصحتكِ، فهو يحارب الالتهابات، ويساعد على خفض ضغط الدم، والوقاية من تصلب الشرايين، والأهم أنه يزيد من قوة الجهاز المناعي.

المكسرات:

تمد المكسرات النيئة غير المحمصة الجسم بالفيتامينات اللازمة لتقوية جهازه المناعي، وعلى رأسها فيتامين هـ. وننصحكِ بتناول اللوز على وجه التحديد.

البروكلي:

من الخضروات الغنية بالمعادن وفيتامينات أ وج وهـ، إلى جانب مضادات الأكسدة والألياف، ولتحصلي على فوائده كاملة اطهيه على البخار في أقل قدر ممكن من الوقت.